۝» منتديات قرية الصبيحــي الرسمية «۝
أهلا وسهلا .. بك اخي الزائر ,,حياكم الله في منتديات قرية الصبيحي الرسمية .. يسرنا تسجيلكم معنا عبر ايقونة ( التسجيل )  


منتديات قرية الصبيحي الرسمية ,, إبداع بلا حدود ,,
 
الرئيسيةالرئيسية  التسجيلالتسجيل  دخولدخول  
تاريخ إنشاء المنتدى / 20 - شوال -1430هـ @ 9 - اكتوبر - 2009م
منتديات قرية الصبيحي الرسمية ( الشهارية ) ترحب بكم
منتديات قرية الصبيحي ..حقوق مسمى المنتدى واقسامه والمواضيع محفوظة وخاصة بنا وغيره يعتبر سرقه واعتداءعلى حقوقنا
اخواني واخواتي الاعضاء ~ قبل طرحك لموضوعك يجب ان تعلم ان اي موضوع تقوم بكتابته فهو يعكس وجهة نظر الزوار والاعضاء عن مدى ثقافتك فاحرص على انتقاء حروفك وكلماتك
يمنع منعا باتا الخوض في الامور الشخصية بين الاعضاء واي مخالفه سوف يتم اتخاذ اللازم معه دون تردد
أخي الزائر : هناك أقســـــــام مخفية .. يجب عليك التسجيل في المنتدى لمشاهدتها

شاطر | 
 

 كل بيت حكمة

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
ساهر 22
عضو مميز
عضو مميز


عدد المشاركات : 57
تاريخ التسجيل : 03/03/2010
الجنس : ذكر

مُساهمةموضوع: كل بيت حكمة   الإثنين 29 نوفمبر 2010 - 22:25



الشاعر عبدالله الطلحي الهذلي


معوّض خير ياحيٍ تهقوى في الزمـان ومـال *** سنينك لو رقيـت بعدلهـا يطرحـك مايلهـا
تعلّم وإعرف إن الدرب قدامك سهـل وجبـال *** جبـال تطولهـا وجبـال بعيونـك تخايلـهـا
ومعوّض خير ياحيٍ وردت الماء بدون حبـال *** يطول بك الوقوف وشربة المـاء ماتحصّلهـا
وقوفك عند راس البير مايسقيك لـو فنجـال *** ولاينفعك شوف الجمـه اللـي منـت طايلهـا
ومعوّض خير ياحيٍ خدعك من الرجال أشكـال *** تشوف أشكالها وتحطها أرفـع مـن منازلهـا
تعلّم من زمانك لاتصير مـن أجهـل الجهـال *** ترى في كل يـوم تجيـك عبـره لاتجاهلهـا
إذا ربي وهب لك عقل تلقى في الرجال رجـال *** تعرف اللـي يطلّـع قيمتـك واللـي ينزلهـا
ترى من بعض مايندي الجبين ويحرج الرجال *** لياسـاق الميانـه فـي نفـوسٍ ماتقبّلـهـا
ومهما شفت في صاحبك من نخوه وطيبة فال *** ترى بعض السجايـا كثـرة الإلحـاح يقتلهـا
معاريف الرجال ديون وديون الرجـال ثقـال *** لياصرت متعافي ليش تغـرق فـي جمايلهـا
رصيدك في حياتك سمعتك مع طيبيـن الفـال *** رجال الطيب والمعروف بالمعـروف عاملهـا
ولاتبدي بجاهـك فـي مقـامٍ مايسـر الحـال *** ولاتشفـع لنـاسٍ ماتنومـسـك بفعايلـهـا
لياجاتك تعذّرهـا مـدام العـذر لـه مدخـال *** ووقت الجد قول لهـا الصحيـح ولاتجاملهـا
وخذ منـي نصيحـه لاتصـدق كـل ماينقـال *** يجـرك للنميمـه ليـن يطرحـك بحبايلـهـا
يجيلك ناقـل النمّـات بهـروجٍ تغـث البـال *** سوالف في قفاك وحظك أطيب يـوم تجهلهـا
يبـرر بالحميـه والصداقـه شينـة الأفعـال *** يجمّـل صورتـه بعلومـه اللـي ماتجمّلـهـا
ولو كانت حميه فيك رد المخطيه فـي الحـال *** ولاكان إستمعها فـي قفـاك وجـاك شايلهـا
ترى من جاب لك ودّى وهذي عـادة النقـال *** يحاول يقتنص من فمك كلمـه لأجـل ينقلهـا
ومثل ماقال عندك راح عنك وعند غيرك قـال *** وزوّد عشر فوق الكلمه اللـي كنـت قايلهـا
تجنّب مجلسه لاتجلس إلا مع كريـم خصـال *** تحمّـل ميلتـه وإن ملـت ميلتـك يتحمّلهـا
ولاتصبر على الجار الردي لوهي ثلاث ليـال *** تضـرك جيرتـه لوكـان بيبانـك تقفلـهـا
وبيع الدار بأول سومةٍ تعرض علـى الـدلال *** ورزقـك عنـد ربٍ كاتـب اللقمـه وكافلهـا
وبنتك لاتزوجها الردي لوهـو كثيـر المـال *** تربيهـا علـى الطـالات وتشـوّه سلايلهـا
وكم من لاش يرمي خيبة إبنه فوق راس الخال *** لوإن الخال من روس الرجال ومـن دلايلهـا
ليامنك عرفـت تميّـز الطيّـب مـن البطـال *** وفادتك التجارب في الحيـاة وفـي مسايلهـا
وكشفت الفرق مابين الصحيح وحيلة المحتـال *** وتعلمت الفراسه في الوجيـه اللـي تقابلهـا
بعد هذي ترى مالك غنى عن صحبة العقّـال *** يدلونـك بـرايٍ ينقـض الدعـوه ويفتلهـا
يقولون الرجال اللي سوالفهـم حِكـم وأمثـال *** ليامن ضاعت الحيلـه يـدل القـوم عاقلهـا
نصيحة واحدٍ جرّب وشاف من الزمان اهـوال *** يقدّم لـك خلاصـة هجـرةٍ جـرّب هوايلهـا


الرجوع الى أعلى الصفحة اذهب الى الأسفل
وحيد الجزيرة
مراقب عام
مراقب عام


عدد المشاركات : 4581
تاريخ التسجيل : 22/12/2009
الجنس : ذكر

مُساهمةموضوع: رد: كل بيت حكمة   الإثنين 29 نوفمبر 2010 - 23:11

رصيدك في حياتك سمعتك مع طيبيـن الفـال *** رجال الطيب والمعروف بالمعـروف عاملهـا


تحياتي لك









وحـــــــــــــــــــــــــ @ الجزيــــــــرة @ ـــــــــــــــــــــــــــــــــــــــــــيد
وحـــــــــــــــــــــــــ @ الجزيــــــــرة @ ـــــــــــــــــــــــــــــــــــــــــــيد
وحـــــــــــــــــــــــــ @ الجزيــــــــرة @ ـــــــــــــــــــــــــــــــــــــــــــيد
الرجوع الى أعلى الصفحة اذهب الى الأسفل
سعود عبدان
المدير العام
المدير العام


عدد المشاركات : 12017
تاريخ التسجيل : 14/08/2010
العمر : 31
الموقع : NAJRAN
الجنس : ذكر

مُساهمةموضوع: رد: كل بيت حكمة   الثلاثاء 30 نوفمبر 2010 - 2:05

ساهر22

سلمت اناملك على هذا الطرح الرائع


دائماً مبدع في مواضيعك

دمت بحفظ الله ورعايته ولا تحرمنا من جديدك







[/center]
الرجوع الى أعلى الصفحة اذهب الى الأسفل
http://sub7.ahlamontada.net/
عبدالله بن عبدان
إداري
إداري


عدد المشاركات : 5910
تاريخ التسجيل : 22/12/2009
العمر : 31
الموقع : بيشة
الجنس : ذكر

مُساهمةموضوع: رد: كل بيت حكمة   الثلاثاء 30 نوفمبر 2010 - 20:02

هذى الابيات من البحر الطويل يا ساهر










الرجوع الى أعلى الصفحة اذهب الى الأسفل
 
كل بيت حكمة
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
۝» منتديات قرية الصبيحــي الرسمية «۝  :: °¨¨™¤¦ المنتديات الأدبـية ¦¤™¨¨° :: منتدى النثر والشعر والخواطر-
انتقل الى:  
twitter
مواعيد مهمة
wydv.jpg - 84.18 KB