۝» منتديات قرية الصبيحــي الرسمية «۝
أهلا وسهلا .. بك اخي الزائر ,,حياكم الله في منتديات قرية الصبيحي الرسمية .. يسرنا تسجيلكم معنا عبر ايقونة ( التسجيل )  


منتديات قرية الصبيحي الرسمية ,, إبداع بلا حدود ,,
 
الرئيسيةالرئيسية  التسجيلالتسجيل  دخولدخول  
تاريخ إنشاء المنتدى / 20 - شوال -1430هـ @ 9 - اكتوبر - 2009م
منتديات قرية الصبيحي الرسمية ( الشهارية ) ترحب بكم
منتديات قرية الصبيحي ..حقوق مسمى المنتدى واقسامه والمواضيع محفوظة وخاصة بنا وغيره يعتبر سرقه واعتداءعلى حقوقنا
اخواني واخواتي الاعضاء ~ قبل طرحك لموضوعك يجب ان تعلم ان اي موضوع تقوم بكتابته فهو يعكس وجهة نظر الزوار والاعضاء عن مدى ثقافتك فاحرص على انتقاء حروفك وكلماتك
يمنع منعا باتا الخوض في الامور الشخصية بين الاعضاء واي مخالفه سوف يتم اتخاذ اللازم معه دون تردد
أخي الزائر : هناك أقســـــــام مخفية .. يجب عليك التسجيل في المنتدى لمشاهدتها

شاطر | 
 

 ][محاورات شعريه][

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
الهوى شرقي
عضو سوبر
عضو سوبر


عدد المشاركات : 2565
تاريخ التسجيل : 26/03/2010
الموقع : الدمام
الجنس : ذكر

مُساهمةموضوع: ][محاورات شعريه][    الخميس 16 ديسمبر 2010 - 2:47

فهد البلوي
.
.
.
خالد الحربي
.
.
.
محمد المنصوري
.
.
.
بناخي صياف
.
.
.
ولا اطيل عليكم
.
هذا مادار من محاورات
.
علا وعسى أتنال أعجابكم وأستحسانكم:
.

فهد البلوي
سلام اللّه على الهيلا رجال الماقف الغصّاب
عدد ما لاح برّاق المخيلة واسر ياساري
على متن السفينة يا عتيبة كثرو الرّكـاب
وحمل شعيل ما كلٍ يشيله واسر يا سـاري
جروح المقادير
هلا يامرحبا بك يامسلم وانشـد الشيـاب
من اللي يقدرون المستحيله واسر ياساري
تقوله يالسنافي وانت لاعنتر ولا انت ذياب
وحمل شعيل خله لاتجيله واسر ياسـاري
فهد البلوي
يدوم الك البقا ياصاحبي ولكل بيـتٍ بـاب
ولكن لا تعنّ الأ الأصيلة واسر يـا سـاري
توقّع يا عميلي قبل تصبح بين ضرس وناب
وثّم أسقيك كاس الحنضليلة واسر يا ساري
جروح المقادير
تركد وانتبه ياذيب قدامـك هنيـا ذيـاب
وكل ياعرب يعرف حصيله واسر ياساري
تهددنا واقول الروس ماتدري عن الاذناب
وذيب الهرج يامقرب مقيله واسر ياساري
فهد البلوي
لك الله يا فيصل العتيبي ماتمشي نصبة النصّاب
لونّ أبا الحصين يهز ذيله و اسر يا ساري
ذياب الضلع تبقى ذياب يومنّ الكلاب اكلاب
وذيب الضلع يقنب كل ليلة واسر يا ساري
جروح المقادير
انا بنشدك هل انته من الاصحاب او الاجناب
ياراع الهرجه اللي جت هزيله وسرياسـاري
ذياب الضلع تقنب وانت ماتبدي على المرقاب
سلوقي(ن)تفيض مع المسيله واسر ياساري
=============================================
خــالد الحربي
يا سلام الله عدد ما لاح برّاق المخايـل
من هجوسٍ تبدع القيفان و النية مطيـة
وأنت يالعتيبي تولّم و أحتزم و الشك زايل
قدمك الميدان يا فيصل والنيـة مطيـة
جروح المقادير
مرحبا في ربعنا يعنـون الاصايـل
تاج راسي ربعي العتبـان والنيـة مطيـة
ما نويت اقدح براس الزند في خشم الفتايل
لين اشوف البيت ابو عمدان والنيه مطيه
خــالد الحربي
البقا وأنته مع أهل الطيب و عيال الحمايل
والرعية دونها الرعيان و النيـة مطيـة
خابرينك محتسينك فالخفايـف و الثقايـل
مير لا ترمي بلا نيشان و النيـة مطيـة
جروح المقادير
فات يوم وليل ماجانا من الحربي رسايل
طالبينـك يالله العقـلان والنيـة مطيـة
حث سمحه وان بحلت الدرب خلّه للدلايل
مالك الا تاصل العنوان والنيـة مطيـة
خــالد الحربي
والله إني دون ميقافي وأعدّل كـل مايـل
وأنت وينك يا أبرق الجنحان و النية مطية
الأوايل مالها ألاّ مـن يعشقـون الأوايـل
لا تدينهـا ولا تنـدان و النيـة مطـيـة
جروح المقادير
الحكي لو طال لا يمكن يجي مثل الفعايل
كل ليل اصطاد فالغزلان والنيـة مطيـة
ماش رمي الا لصيد ولاش لطم الا لعايل
وانت لاجني ولا انسان والنيـة مطيـة
خــالد الحربي
ما يزل الـدرب رجـالٍ يعـوّد للدلايـل
ويش تبا بمصادم الضلعان و النية مطية
أنته أخلفت المسيرة ليش يا راع الجمايل
رحت مثل العود أبو دخان و النية مطية
جروح المقادير
يا جبل لو قلت ابا اجاملك في بعض المسايل
انتبه من ثـورة البركـان والنيـة مطيـة
غيبة الغاية تعرقل كـل مفعـول الوسايـل
علم العـوران والعميـان والنيـة مطيـة
=============================================
محمد المنصوري
سلام تسليمٍ كما الحيـد الزبيـن المرتفـع
أما رقاه فيصل والا ينسـدح فـي قاعتـه
يحط في جيبه سبع ويشيل عن دربه سبـع
ونفسه أليا شبعت من المقسوم الاول جاعته
جروح المقادير
يامرحبا ترحيبـة تطلعبـك إلطـول ضلـع
وتحوّل محمد ويرضع من طرف رضاعته.
هذه طبيعة من بطبعه خالف اطبوع الربـع
يا الله عسى محمد يحصّل له ربح ببضاعته
محمد المنصوري
لايلحقك شكه تراها سنعة بـدرب السنـع
نمشي على نهج الحكيم ومجهدين بطاعته
الناظر الاول ضحك والناظر الاخـر دمـع
وفيصل دار به الزمان الشين دورة ساعته
جروح المقادير
يامحمد انته باقيٍ ضرس اللبن بك مانقلـع
وفيصل كم روسٍ معاندته واخيـرآ طاعتـه
انته من حمول الجمل ياصاحبي وش تستطع
قلي ودورات الزمن كم من بنـادم لاعتـه
محمد المنصوري
البدر يوم أنه على الانصار في يثرب طلع
الناس فرحوا غير وجه الكفر بانت راعته
ماني بقايل ضبع ابا اجامل واناديك السبع
دامك مولع والمولـع ماوفـاء لولاعتـه
جروح المقادير
البدر بادي فالسماء وانته استمع وانا استمع
للعلم الاخر والوديع اللـي يحفـظ وداعتـه
مافيه داعي للمجامل والسبع غيـر الضبـع
نبـا نحـول فالبحـر والليـل ياقطاعـتـه
محمد المنصوري
يوم أن كلٍ ياوسيع العرف يحصد مـازرع
فيصل ماغير البصل والثوم ... كل زراعته
ان قلت وان ماقلت حملك مال يامال الوجع
و اللي سوتك مايحصل فالحيـاة طماعتـه
جروح المقادير
يوم إن كلٍ ياوسيع العرف يقرا ماطبـع
فيصل تبطي عظم وانته ماقريت اطباعته.
فيصل نجمآ مثل نجم سهيل في كونه لمع
ودجتي اللي يعترض له مثلكم وضاعتـه
محمد المنصوري
تضحك على نفسك ياابو طايل هنا مثل الورع
لكن انا لنـدن ترانـي مااستمـع فاذاعتـه
فيصل لاجاه الخصيم امـا سجـد والا ركـع
ترى المخافه قد شرت قلبه شـرى ماباعتـه
جروح المقادير
يامحمد انته ماتسلّح غير بمسـدس ربـع
والربع مايفتك مـن شالـه ولا صناعتـه
وفيصل لو انته كما حـر بجنحانـه شلـع
يطرحك مشعابه بضربه قبل ضرب اسراعته
محمد المنصوري
ليت الجلاه اللي يعدونه لابن عمه فـزع
جاه الثبيتي ثم شيب رمشـة بولاعتـه
ماطير طيرٍ فالسماء يابن الحلال الا وقع
ليت العصيمي يلتحف قبل الشتاء دراعته
جروح المقادير
انكان تفرق بينهم تـراك ماكـال الرقـع
من لاجمع شمل العرب بكره ربوعه باعته.
اتقولها ياصاحبي من ضيق والا من وسع
الحر بيّـن للعـرب لـو لبسـوه قناعتـه
=============================================
بناخي صياف
يافيصل العتيبي كان ما فيـك نـوم
ياسلامـي علـى هالوجيه الغانمـة
لاصبح الصبح ما نقدر نشوف النجوم
تشرق الشمس والنجمة تجي مظلمـة
جروح المقاديريابناخـي شبابـيٍ يسـد اللـزوم
مرحبـا ياعميـلٍ ماخـذٍ مقسمـه
كان تبغى نجومك فالبحر روح عوم
كود يكفيك من صاحبك حد سهمـه
بناخي صياف
الجمال الثلاث اللي عليها الوسوم
كيف حنا نوزع بينهـا الاوسمـه
وان عطينا جملنا واحد من الرقوم
كلن يقول هذا الرقم لـي سلمـه
جروح المقادير
اخذ واحد من الارزاق منت محروم
واترك الناس كلآ ماخـذٍ مسهمـه
كل ماقمت حظي مع مقامي يقـوم
مار بعض الاوادم كيف ابا اعلمـه
بناخي صياف
البعارين كوم وشامخ النـاب كـوم
علم الجاهل اليـا جيتـه وفهمـه
خابرك برمضان تقوم وايضاً تصوم
مير ابن تيميه رب السما مكرمـه
جروح المقادير
مالها سوق في رابغ ولا فالجموم
والجهاهيل مانبغى لهـا مكرمـه
انت لو انت رجالٍ حصانك عزوم
كان حضك يعمر البيت مايهدمه
بناخي صياف
انشد زحول قومك والرجال القروم
منهو اللي يشد البيت ما يعدمـه
ماسكين الطريق مطبقين السلـوم
وماظلمناك لو حظك تبـا تظلمـه
جروح المقادير
عارفين القروم وعارفين الرخـوم
وانت رجلٍ معلـم ماتبـا ترجمـه
والمعاني تراها مثل ضرب السهوم
اقصـر العلـم والا تممـه تممـه
الرجوع الى أعلى الصفحة اذهب الى الأسفل
سعود عبدان
المدير العام
المدير العام


عدد المشاركات : 12024
تاريخ التسجيل : 14/08/2010
العمر : 31
الموقع : NAJRAN
الجنس : ذكر

مُساهمةموضوع: رد: ][محاورات شعريه][    الخميس 16 ديسمبر 2010 - 4:16

الهوى شرقي

سلمت اناملك على هذا الطرح الرائع

قصائد روعه

دمت بحفظ الله ورعايته ولا تحرمنا من جديدك







[/center]
الرجوع الى أعلى الصفحة اذهب الى الأسفل
http://sub7.ahlamontada.net/
الهوى شرقي
عضو سوبر
عضو سوبر


عدد المشاركات : 2565
تاريخ التسجيل : 26/03/2010
الموقع : الدمام
الجنس : ذكر

مُساهمةموضوع: رد: ][محاورات شعريه][    السبت 18 ديسمبر 2010 - 14:41



مشكور يالغالي على تواجدك الكريم بمتصفحي
الرجوع الى أعلى الصفحة اذهب الى الأسفل
 
][محاورات شعريه][
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
۝» منتديات قرية الصبيحــي الرسمية «۝  :: °¨¨™¤¦ المنتديات الأدبـية ¦¤™¨¨° :: منتدى المحاورات الشعرية والتراث-
انتقل الى:  
twitter
مواعيد مهمة
صغير.jpg - 48.97 KB