قصتها بيـــــــ 175 ــــــــت

الغويد له فلسفه خاصة

وللاسف انه يتعرض دائما للمهاجمه

واتهامه بأنه شاعر ( فارغ ) من بعض الفارغين ... والذين لاناقة لهم في الشعر ولا جمل


ولكن بن ثايب قال في ردّه ( عندنا صنعة الميدان ماني براعي صنعة امس )


وانا متيقن بأن الغويد قد صنع قصيدته المعجزه ( ستين بيت ) في الميدان
وذلك لسبب واضح يخفى على الكثير



اهل المحل : قبيلة شهران العريضه

الضيوف : غامد ... اهل العروس

المكان : بيشه


وبعد وصول غامد ومعهم شاعرهم الغويد .. لقوا كل الترحيب والحفاوه من شهران ... وهذي عادة اهل الجود


لكن عندما قام ابو العريس الشهراني ... لإدخال الضيوف الى الوليمه ( العشا ) قال :

تمّوا ياجماعه والله يحيي غامد عندنا .. وهذا 60 طلي ( خروف ) لغامد و60 لجماعتي شهران ...

اي انه ذبح 120 خروف ( طلي ) تقدير لغامد وجماعته ....

الغويد بدوره شاعر غامد قام يقلّب الموضوع في راسه .. حتى وجد طريقة لمقابلة الجود من الموجود ... وبنفس عدده

وبدأ يحبك الـ 60 بيت .. وهي عدد الطليان اللي ذبحها الشهراني تقدير لغامد .. وهو جالس على العشا


وبدأ الشعار بالترحيب


وكان الغويد متنحّي .. حتى افرغ الشعّار مافي روسهم


( ويقال ان سعد بن عزيز كان متنحّي مع الغويد ) ليحبكون البدع والرد في وقتها


قام الغويد الداهيه ... ورد على ضيفة غامد وهي 60 خروف بـ 60 بيت ... وهي ...


طلبة الله تبدّا قبل بدع الهجوس وستر دام
والصلاه عالنبي قدام بدع الهجوس وتسر دامي
والهجوس الذي في كل معنى وستّر دايمه

يالله يامالك الدنيا وملك الجنوب وستر شام
والغروب وشورق الشمس واهل الجنوب وستر شاما
مالك كل الفضا في كل معنى وستّر شايمه

ياسلامي على شهران تسليمةٍ ولها مكان
في محل الكرم والجود والفايده ولها مكاين
يوم جينا محل الجود بين العرب ومكاينه

ياسلامي لكم يا انسابنا والعواني بيت بيت
والله ماجابنا الى عندكم ياأنسابنا إلا محبه
مالفينا نقوس اقدورنا عندكم يا انسابنا

غير جينا نمثّل موقف اهل النسب والناسبين
غامدي وشهراني نسبهم على سنة نبينا
والحسب والنسب من عادة اهل المذاهب والعرب

المواثيق والعرّاف مابين غامد واشهران
انتم ياداعية شهران من روس قيف ومن عواني
والله انا يشرفنا وجود الرجال الطيبين

والذي مثلكم لا جا نهار اللوازم مانذمّه
لان قلبي تجنّب غيبة الناس وانها دربها

وانحن داعية غامد كما حاشرٍ طمّا عقوم
ينقل السدر والضهيان في دقلته واحنا بوادي
دقل سيل يشيل الميدرا والحصاد اعمارها

ناويٍ له رعود يوم تنشي ترى ولها نجوم
له نجومٍ قويه والمسمّي يسميها صواعق
تهرب الجن منها والشياطين ظلّت هاربه

وان مضى من ديار الوقت ظلاّ يزيد الما نهوله
ليّنت كل وادي بعد ذاك القسى ولها يلين

ياسلامي عليكم ياهل الحفل واعلنها سلالالالالالام
ياسلامي على بيشه ومن حلّها والفاتحيّه
الذي حلّ في بيشه وحتى الذي في دور بيش

ياسلامي لكم ياربوع البلاد وروس قوم
ياسلامي لكم من روس غامد سلام في ضماني
صلب قيف يفيدون الجمايل الى جا سوقها

انحن غامد الهيله الى زاع للبيرق علوم
نعطي الحق طلاّبه وراعي الخطا نعمي عيونه
ياملايكة ربي رافقينا وياجن اهربي

انا مااحب غير الخير للناس ماحب الكياد
قالها الشاعر اللي من يريد الرضا ماحب كيده
والله ماحب دوّار المشاكل ولا حب كايدي

الذهب يالذي تعرف لصرف الذهب خلّوه غالي
الذي يصرفون المال مايكنزون الا ذهب

الورق عملةٍ تمشي وله راس مال وصيرفيّه
والجنيهات والفضّه على سعرها واثقالها

انشد الصيرفي ويقول ماكل مصروف دراهم
اشكل الصرف بين الناس مدري هلل والاّ قروش

انا ماني عميل للذي جاب فيد وراس مال
اتشرّف الى جاني عميلي بفيد وراس مالي
مانبي عملةٍ فيها خساره ولامن جابها

انا باعامل الطيب وانا صاحبه وانا عميله
لابدالي عميلي يانشامى يقول اني فلان

ان لقيته من اهل الطيب باساعده وادرى مقامه
وان لقيته من الجهّال باجنّبه وشي لي منه

يوم عوّد يعد المال عوّد يقل لي عد واسلم
قلت وش تعطي المحتاج قالوا عشر فوق الميه

....
اي راعي المال ماديّن ولاقصّد
مابين راعى بقصّه من قصايدنا
يقول انا ماشيٍ دايم على نيّه
ماني بضامي ولا ادوّر صبح بكره
من يارد البحر صار اميه وعشرينا



طبعا ً الغويد في قصيدته شبّه غامد بالذهب ... وشهران بصيرفيّة الذهب

لان العروس غامديه ... والعريس شهراني
في قوله :

الذهب يالذي تعرف لصرف الذهب خلّوه غالي
الذي يصرفون المال مايكنزون الا ذهب



رد سعد بن عزيز .........

ياسلامي على ذا حط قبل المعادي ستر دام
حط في الريع قدام العدو حين ياجي ستر دايم
ماتغبى فعوله في الملاقا وستّر دايمه

لانوى يكتب القالات يكتب عليها ستر شام
حتى يوصل لكاتب عدل يكتب عليها ستر شاما
ياراعي المحكمه يكتب على الصك ستّر شامه

اسمعوا من هروج صادره بينكم والها مكان
من صدور ٍ تجيب الهيض بين العرب والها مكاين
كل قلب قلب ٍ يجيب الهيض من مصنعه ومكاينه

من كلام الحلا والمر عز الله الا بيت بيت
ياسلامي عليكم عد نو ٍ غزير ولمّ حبه
راعي البيت لا منّه بنا البيت ماينسا بنا

كل علم ٍ يقوله طيب ٍ بين الناس بين
كل نشمي يقول العلم بين الناس بينا
انتو اهل الشهامه والشيم والمذاهب والعرب

هذا علمي وانا بشهر بصوتي مع الناس اشهران
انتو اللي من منع نور النهار اللزوم ومنع وادي
وكل عد ٍ رهي ٍ حين يوصل اليه الطيبين

العدو لو طلب في ذمّة الحرب قلتو حرب ومانذمّه
والنمر لالقا وس الحضانه بينهى دربها

ياسلامي على قيف ٍ لنا غالي ٍ طمّاع قوم
انتو تبدون في يوم الشقا دايما واحنا بوادي
عندكم للمعادي في الملاقا حصاد اعمارها

القبايل تشيل اعلامها في اللقا ولها نجوم
انتو اهل الفوايد كلها وانتو جنود الصواعق
العدو في ملاقاكم بتهرب وضلّت هاربه

اسمعوا للمعاني ياكل طيب مانهوله
انتو القيف ذا هال المهادي وهال الهايلين

وانتو اهل الفوايد ساعة الحرب والا في السلام
ماتخافون لو بألفا داب ٍ ولو بألفات حيّه
وانا بادور بالاخبار بين العرب وادور بيش

العدو حين نلقاهم في الملتقا مرّوا سقوم
وانا اضمّنك يالبلجيك في كل ملقا في ضماني
ننتقي المعرفة من مصدر الفايده من سوقها

لازم اروح بين الناس واعطي خبركم والعلوم
اما انا لو عددت العد ماينغباه من عيونه
ياحليل الذي من الناس في داخل الجنه ربي

يعطي غويد علم ٍ للمعاني وهو من حبك اياد
المعاني يصرّفها نهار المثل من حبّك ايده
والمعاني تجي من حبّك ايده ومن حبكى يدي

انا بغليك يالنشمي نهار اللوازم وانت غالي
ماحسبنا حساب اللي بقى اليوم والا من ذهب

نستمع في الملاقا هدرة ٍ للجمال الصيرفيه
ماتغبّا اسم واطيها في الملتقا واثقالها

لا اقبلت في نهار الهوش في سراع وفي دراهم
ياسلامي على سيفٍ وهو يقرش الهادي قروش

راس يبدي نهار الملتقا ياغويد وراس مال
وراس يوقف ليا جاك الطلب ياغويد وراس مالي
كلمة الحق موثوقه مع الناس يامن جابها

لامشينا بدرب واضح ٍ للقعود ومنع ميله
خل ذا كبّر اسمه بين جمع العرب واني فلان

انا بدرى جلوس اللي معي للعرب وادرى مقامه
واللذي غاوي ٍ من درب الابطال قل وش لي منه

بدعنا خمسه وخمسين ياللي تعدّه عد واسلم
وان حكمنا عليه الرد تلقا عشر فوق الميه

---------

حليل من غاب من العالم ولا قصّد
لابد بالصبح يسمع من قصايدنا
واخبار الاجواد نعلنها علانيه
الله عطا كل شاعر لاصبح بكره
البدع والرد صار ميه وعشرينا



=============== ======






بعدها قام بن ثايب لمحاولة البدع على بدع الغويد
ولكن لم يتمكن من بدع ستين بيت
واكتفى بـ 31 بيت في البدع .. و24 بيت في الرد

والقصيده هي ........







فتحة الباب نذكر واحد ٍ معتلي ماله سمي
جلّ شانه عظيم الملك رب ٍ يهب اسمه بالاسما
يعلم السر والجهرا على الارض من سابع سما

جعله يعزّنا بالدين عز ٍ شريف بلادنا
فأنه عزّه تعالا نعمة ٍ تشمل الاقصى والادنى
ثم ذا ينكر النعمه يكون المعوّل والدني

بعدها مرحبا ترحيبة ٍ تجعل الشايب صبي
يالذي لانصب رجّالهم ماترك من منصبيّه
في نهار ٍ تنادى كل قوم ٍ بأسم منصوبها

مرحبا من نزاهة قلب والحقد شي ٍ قد ذهب
حتى لو يذهبون الناس للعنصريه ماذهبنا
لان كل ٍ على شرعه وكل ٍ يعزّه مذهبه

مرحبا بأسم شهران العريضه مزبّنة الدخيل
لازبنهم ثقيل الحمل كل ٍ عرف منهو دخيله
يرخص الرجال منّا نفسه الغاليه دون ادخلاه

واما ذا اليوم عاد المدح والمجد كلّه للفهد
حنا وانتو جنود الحرب لاما دعى فينا فهدنا
والله ما اضن بين الناس فهد ٍ يشابه فهدنا

والله مانيّتي بازيد كنّي سعد وغويد ليّه
لين زادوا على المحراف والله تعالى يبطّلع

اسمعوا ياقبايل جعلكم سالمين وغانمينا
عندنا صنعة الميدان ماني براعي صنعة امس

لابتي داعية شهران سيل ٍ عنوقه في تهامه
ينقل السد بعد الراك ولايخلّي ناميه

حدّنا من تهامه ثم نحوّل الى الحجف الهلالي
والعصا في بلدنا ياهل العرف ترفقكم سنه


----------

بسم اهل بيشه تقدمنا لكم بالرد
حيث ان ذا شرعنا الحكمه برايدنا
مايعمل موضف ٍ ماله صلاحيه
كل يسجل بعد مالفّت المكره
من بيشه البارزه بين البلادينا


=============== =

الرد ..........


العداله بعون الله الله سيف ٍ بريع ٍ ياسمي
والله ماهقوتي ياهل المعاريف يظهر في البلس ما
لكن الله تعالى قال يظهر من البلّه سما

واجب انا نرحّب يوم وصلوا حدود بلادنا
فأن ذا شرعنا ياناس يشطي على العليا والادنى
وانا ماقول ياساقي عن الحفل بالله ودّني

والله مغزي لمنصب يانشامى ولااترك منصبي
شيّبتنا المشاكل يارجاجيل والدنيا صبيّه
والشعاعير مدري كيف صار الخبر من صوبها

لابتي داعية شهران يوم ان خيل ٍ ند خيل
كل ٍ يفخر بقيفه يوم ذا ماتردّه غير خيله
لاتقولون هذا الصور فيه الخطا عند ادخلاه

آرد العد ياضميان ماقلت لك بغوي دليّه
والقبايل لها تاريخ كلن يعد اللي عليه

كل ٍ بكره بينشد قالوا فلان جو الغانمينا
ورّد الله ظهر بعض العرب من صدور الحفل عمس

هذا زود الكلام قصار والربع ماقرّوا عليه
ابدعوها وراحوا والمعاني لها حق ٍ علينا
بلّغوا عمر سايلنا وبكره يردّون الخبر

-----

من هو له الموتر اللي مرّ مابرّد
لابد يبرد ليا صار الصدا يدنا
واللي صلى الداب من حقّه صلى حيّه
واللي مكر ياقبايل سجّلوا مكره
ماني بمن يدخل الدوله بلا دينا


الثلاثة الشعراء من الصعب تكرارهم في ساحات العرضه

وشكرا للجميع