الشكوى لغير الله مذله

ابي هالكلام يوصل لاكبر عدد من الناس اذا ماعليكم امر

الشكوى لغير الله مذله لكن انجبرت ماااقدر اشوف حقي مسلوب وانا ساكته
انا طالبه بالمدرسة الثانويه الاولى بالجبيل تحديدا الجبيل البلد طبعا هالمدرسة غنيه عن التعريف صيتها واصل لمصر >>>>>من المصايب اللي فيها
ما علينا مثل ماقلت انا طالبه فيها وصار لي سنتين وانا باول ثانوي وكله من هالمدرسة انا ما انكر ان لي يد في هذا الرسوب لكن الله شاهد علي انه هم سببب اللي انا فيه لاالمدرسات يعرفون يشرحون لااداريات يحترمون ان الطالبات امانه عندهم يعاملونهم كانهم جايين من الشارع لا احترام لاخلاق يسبون الطالبه كانها عدوه لهم وياليت يكتفون ويسبونها هي بس لا يسبون اهلها بكلام اترفع اني اقوله هذا كله كوم والتمييز في المعامله الواضح كوم ثاني سوا لبنات المدرسات او للبنات اللي عندهم واسطه والبنات العاديات >>>طبعاالفئة الاخيره هم اللي يعانون
هذا مو موضوعنا موضوعنا انه انا رسبت اول سنه لي بالثانوي رضيت بامر الله وسكت وصبرت ورحت اخذت دور ثاني ماراح تصدقون اذا قلت لكم انهم مشواااا كل البنات في موادهم الاانا وكله من وحده من الاداريات اللي حاقده علي من دخلت المدرسة عندنا وهي حاقده علي انا وخواتي واللي اكد لي هذا الكلام ان وحده من صديقاتي اللي كانت معي بنفس الماده اللي خلوني اعيد السنه علشانها دخلت ومااااااكتبت غير اسمها قلت لاهلي عن هالكلام لكن ماصدقوني هم عارفين انهم مايطيقوني بالمدرسة ولا يطيقون خواتي عشان اننا مانسكت عن حقنا وماااانسمح لهم انهم يتطاولون علينا بس ماصدقوا انه توصل فيهم لهالمواصيل المهم صبرت وسكت وكملت لان ماعندي اثبات على كلامي غير كلام صديقتي مشيت السالفه السنه الثانيه الله ماكتب لي اني امشي في بعض المواد اخذت دور ثاني وانا الله يشهد علي ان ولاماده من هالمواد تركتها او حتى طنشتها على العكس ذاكرت وحفظت كل الكتب وخليت اختي الكبييره تساعدني

وقعدت اسبوعين وانا اذاكر المواد ولاااطلع ولاشيء لدرجة اني كنت اسهر باليومين على الماده الوحده ولولا الله ثم اختي ماكان فهمت ولاكلمه من اللي اذاكره المهم تقدمت للاختبار وماالله وفقني لان الوقت ماكان كان كافي للمذاكره لانهم اعطوني الجدول يوم الاربعاء وانااختباري كان السبت مباشرة والمادة الوحده من فصلين الموهم بعد ماسقطت قررت اني ادخل انتساب لكن لكن انصدمت بشيء ماتوقعته انهم يعطوني مواااااااااااااااد حتى ماااااخذت دور ثاني فيها واثباتي على هالكلام انهم ماكتبوا هالشيء بجدولي حق اختبارات الدور الثاني اضافوا لي مادتين مااااااسقطت فيها
طبعا انا لما قالوا هالكلام لي انصدمت ورحت قلت لابوي بس طبعا ماااحد صدق انه توصل فيهم لهالدرجه ومااحد عطاني وجه واانا مقهوره قضيت الاجازه كلها وانا مقهوره خصوصا بعد ماعرفت ان بنت وحده من االاداريات جابت دور ثاني بمادة التاريخ بس مشوها والكل يعرف ان مادة التاريخ مااااحد يمشي فيها اذا اخذ دور ثاني
اكيد ماراح تسمعون لي ولا حتى رح تقرون هالرساله وهالشكوى واكيد بتسالون ليه الحين ليه مو من اول
انا سكت السنه اللي طافت وقلت ماااراح سوونها مرتين وهذا هم ردوا سووا الحركه نفسها وقررت اني مااااسكت عنهم هالمره لان الساكت عن الحق شيطان اخرس ولان الله قال اسعى ياعبدي وانا اسعى معاك
و هالمدرسة مافيها غير المشاكل ووجعة الراس وانا ماعندي مكان ثاني اروحه مافيه بقدرتي اني انقل لمدرسة خاصه اقل شيء يعاملوني هناك معاملة البشر ولاحتى اقدر انقل لمدرسة ثانيه لان مافيه عندنا بالحبيل البلد غير هالمدرسة اللي قريبه من بيتنا والله العظيم تعبت تعبت
وكل اللي معاي بالمدرسة تعبوا من المبنى الحكومي اللي مافيه تكييف مركزي مثل المدارس الثانيه ومن المدرسات اللي اخلاقهم عسره وعلى الطالعه والنازله اهانوانا وحطوا من قدرنا ومن قيمتنا ومن الاداره اللي وجودها مثل عدمه ومن الاداريات اللي كل وحده ماهمها بهالمدرسة الاان ماااحد يزعج خلوتها على مكتبها المريح المكييف وحنا يطردونا من الفصول بحجة انه وقت فسحه ويخلونا بالشمس تحرق في جلودنا وبناتهم حاطينهم في المصلى ومقفلين عليهم عشان مايدخل عليهم الحروالمقصف اللي 24ساعه مقفلينه ولانقدر نشتري شيء نبرد فيه على انفسنا من الحر وهاذي حالتنا كل سنه من دخلت هالمدرسة حتى اختي اللي تخرجت منها للحين مو مصدقه انه فيه مدارس سنعه >>>>لانها راحت وحده من مدارس الهيئة وشافت العز اللي هم فيه وشافت المعامله الحلوه اللي يعاملونهاللطالبات وللحين مو مصدقه انه فيه مدارس سنعه مساكين نفكر كل المدارس مثلها
والله العظيم سووا فينا عقد ماتسوا علينا احنا جايين نتعلم من فلوس الحكومه وهم ذلونا فيها كانهم دافعين من جيوبهم والله كرهت الدراسة بسببهم ويأست اني اتخرج واصير دكتوره هذا طموحي حتى طموحي اقتلوه وشوهوه وانا ماكان مصبرني فيها الااني رح اتخرج واحقق حلمي...

اشكرك على الطرح الرائع

بارك الله فيك

اخواني واخواتي الاعضاء ~ قبل طرحك لموضوعك يجب ان تعلم ان اي موضوع تقوم بكتابته فهو يعكس وجهة نظر الزوار والاعضاء عن مدى ثقافتك فاحرص على انتقاء حروفك وكلماتك

ان شاء الله نحاول

من شان نوصل المعلومه

مشكوووور

وحـــــــــــــــــــــــــ @ الجزيــــــــرة @ ـــــــــــــــــــــــــــــــــــــــــــيد
وحـــــــــــــــــــــــــ @ الجزيــــــــرة @ ـــــــــــــــــــــــــــــــــــــــــــيد
وحـــــــــــــــــــــــــ @ الجزيــــــــرة @ ـــــــــــــــــــــــــــــــــــــــــــيد

اشكرك على الطرح الرائع

بارك الله فيك

[/center]

» ملاعب زين: بيع التذاكر عبر الإنترنت .. ومدرجات خاصة لغير المدخنين
» الفرق بين (انشاء الله)و(ان شاء الله) اللاهمية
» صفحة خاصة بالسنن المنسية عن رسول الله صلى الله عليه وسلم
» صفحة خاصة بالسنن المنسية عن رسول الله صلى الله عليه وسلم = متجدد
» جمل قصيدة سمعتها في الله عز وجل تدمع العيون http://t.co/0jKOFeQS لوتسمعها لن تمل من سماعها شرح الله صدورنا بالإيمان ..