بعد كل صفعة * يكبر الجرح *

مشكله لاصرت طيب وقالولك هبيل
وانت طيب في التعامل وقلبك موسعه.

ومشكله لا صرت مظلوم وفي يدينك دليل ..
ويتجاهلك حكم العداله وصوتك يسمعه.

ومشكله لا صرت ظالم وقالوا لك نبيل ..
واشهدوا لك بالشهامه و غشك تجمعه.

ومشكله لا صرت وافي ولك حظ قليل ..
مايريحك غير دمع تحدره اربعه.

ومشكله لا صارحزنك تدورله بديل ..
كيف تطفى نار وسط الفؤاد مولعه.

ومشكله لا صرت مخلص ووافي للخليل ..
والعزيز اللي تعزه شعورك يوجعه.

ومشكله لا صرت عالي وفي الآخر عليل ..
والغرام اللي بقلبك لشوقك تودعه.

ومشكله لا صرت تعطي ولا تلقى جميل ..
من اوادم خانوا الطيب بأول مطلعه.

ومشكله لاصرت عاجز عن الحمل الثقيل ..
وفوق حملك داخل الجوف حزن يمزعه.
‏
ومشكله لاصرت مبلي من الرب الجليل ..
حكمة الله لا بغاها محدن يمنعه

يعطيك العافية على القصيدة الجيدة ونسأل الله العافية

ومشكله لا صرت مظلوم وفي يدينك دليل ..
ويتجاهلك حكم العداله وصوتك يسمعه.


الله المستعان
هذا ما يحصل في عصرنا الحالي

يعطيك العافيه .. سلمت يداك

المصير المجهول
الله يسعدك على الطرح الجميل
الله لا يحرمنا طرحك ولا وجودك
دمت وادم لنا إبداعك
دمت برعاية المولى..