قصيـــدة سجين تسببت في اخراجه من السجن......................

هذا سجين بالبحرين كتب هذي القصيده ووجهها للملك
وتدخل الملك واخرج السجين السعودي




غيري ينام ومهتني في منامـه
وانا لذيذ النوم مـازار عينـــــي

سهرانةٍ والليل مُوحش ظلامـه
يجمع لي احزاني ويدعي ونينــي

ولّيت ياليل الأسـى والندامـه
همّك توَطانـي وبيّـح كنينـــــــي

أبغا السلامه بس وين السلامه
عيني تشوف وقاصراتٍ يدينـــي

غيّب ضناي وغابت الإبتسامـه
حُكم المقدّر حال بينـه وبينــــــي

سجين ماأشوفه ولا أسمع كلامه
ماغير طيفه كل لحظه يجيني

والسجن في الغربه يهز الكرامه
ياحرّ كبدي بعد فرقـا ضنينـي

وين انت ياللي تستحق الزعامه
يافزعة المضهود نعم العوينــي

ياخادم البيتين فخـر الإمامـه
حبل الرجا ممدود بينك وبينـــــي

أجبر كسر قلبي وحقق مرامـه
أفزع فديتك تكسب الأجر فينـي

تكفا يا ابو متعب مقرّ الشهامه
الحيل واهن والزمـن مبتلينــــي

قلبي ورا قضبان سجن المنامه
ردّه عليّ تزين باقـي سنينــي

اشكرك استاذ عاامر على المرور