وينك يبه بعد موتك تعذبت

طلعت على هالدنيا مكتوب علي الشقا ابوي تركني بصغري بحادث سيارة وأمي بأبسط شيء تخلت عني تزوجت لها واحد مليونير وتركتني عند أعمامي بالرياض بس ياللهـ الحمد للهـ حالتي كانت حلوهـ عند عمي عبدالعزيز
عمي عبدالعزيز عندهـ من العيال 2 فهد 25 سنه يدرس برا وسلمان 19 سنة يدرس ثاني جامعه أما زوجته فهي خالتي نورة هالإنسانه جدا حبوبه و بناته هم سارة 26 سنة إنسانة عملية وتحب شغلها هي دكتورة وإختها مها 22 سنة
أنا عشت معاهم على الحلوة والمرة عمري هو 18 سنة اتذكر أول ما جيت عندهم البيت كانوا فرحانين فيني
ببدأ الرواية الحين وأنتم تعرفو على باقي الشخصيات من الأحداث

نورة : ياللهـ يا ريم قومي وراك نايمه يا يمه تأخرتي على المدرسة وما باقي شيء على الاختبارات ما يصلح تغيبين
ريم : خالتي تكفيييييييييين بس اليوم واللهـ تعبانه مقدر أروح
نورة : أقول قومي عن الدلع لخلي مها تجي تقومك تعرفينها وشلون تقوم يالله يا يمه
ريم : ان شاء الله هذاني قايمه لاحقتك الحين
راحت الخالة نورة وقامت ريم للحمام تجدد وتصلي وتلبس مريولها طبعاً هي كانت تدرس في مدارس أهليه بما أن أبوها مورثها والعم ما يقصر
نزلت ريم مسرررعه لأنها تأخرت على المدرسه وركض بدون فطور ولا شيء حتى انم حد شافها إلا مها لأنها تروح معاها بنفس السواق أما سلمان وسارة فيروحون مع السواق الثاني
طلعوا وصلت مها ريم وراحت لجامعهتا ريم أول ما دخلت المدرسه قابلت معلمتها الدين (نوف) وطبعاً هي كانت متأخره على الحصه الأولى ركضت للفصل حضرت الدرس ومضى اليوم كأي يوم بحياتها رجعت البيت تعبانه تغدت ونامت .
صحاها فجأه صوت العم وهو بصوت عالي جالس يقول لنورة
عبدالعزيز : نورة خلاااااااااااااااااص البنت لازم تدبر عمرها ببيت ثاني يضمها سكناها عندنا 18 سنه بنعمه وخير وشايفه الدنيا أنا الحين ما عندي استعداد إني اقعدها عندي أكثر تروح لبيت أخوي محمد أو سلطان أنا مهوب شغلي تدبر عمرها لكن الحين خلاااص انتهى الموضوع
نورة : يا عبدالعزيز انت مسكن البنت عندنا لك 18 سنة ولا تقدر تصبر سنة وإلا سنتين لمن تتزوج حراااام وش بتقولها بتقولها حنا معدنا باغينك تسكنين عندنا وإلا والله ورث أبوك خلص ما نقدر نصرف عليك من عندنا أنت ربي ناعمها عليك اصرف عليها أجر هاذي يتيمه
ما قدرت تسمع أكثر من كيذا خلااص حست إن سندها الوحيد راااح عمها اللي عاشت عنده عمرها ما يبيها يبي يصرفها بأي طريقه لكن ليش ما تدري هي تدري ان ورثها لسه الحمد لله كثير ويكفيها عمرها كله بس ليش خلاااص وقفت تفكير ما تقدر تفكر زيادة صاحت على دنياها اللي أبوها تخلى عنها من قبل تجي على هالدنيا بكت لين ما جفت دموعها ونامت
دخلت عليها مها تصحيها تقولها أبوي يبيك بموضوع وكان تعامل مها جاف معاها جداً لدرجة إنها درت إن الموضوع اللي يبيه منها عمها هو نفس الموضوع اللي نزل دموعها لمَ نامت.
غسلت وصلت ونزلت لعمها دخلت الصالة وكانوا كلهم فيه مها وسارة وسلمان ونورة وعبدالعزيز
جلست على أول كرسي رجلينها مو شايلتها ما تقدر تمشي زيادة يوم شافت نظراتهم لها كأنها مسويه شيء
ريم : هلا عمي آمر أنت طلبتني ؟
عبدالعزيز : ريم يا بنتي أنا مناديك اليوم بقولك إن خلاص ما عاد لك عيشه عندنا وعمانك مو راضين ياخذونك كل واحد يقول أنا مقدر عندي عيال .
ريم وقفت : عمي ماله داعي تكمل أنت وصلت الفكرة لي أنا رايحه أجمع أغراضي وبروح لأمي ...
عبدالعزيز : معليش يا بنتي ما خليناك تكملين هالسنة على الأقل لكن سامحيناا .
ريم : عمي هالدنيا مالها آمان وأنت عندك عيال ومهما كان تخاف عليهم والله يوفق كل واحد مننا بطريقه .
رقت ريم لغرفتها وقفلت الباب وسندت عليه وبكت لمَ احترق قلبها عمها اللي ما توقعت منه يقولها كيذا بقولها وبقساة قلب ما خاف عليها تجيها صدمة تنهار يجيها شيء كان أهم شيء عنده إنها تبعد عنه آآآآآآآآآآآخ يا يبه وينك والله محتاجه لك أبي صدر حنون يضمني له ويهديني آآآآآخ من القهر والآلم اللي فيني
قامت من مكانها ومسكت جوالها دقت رقم .......


مين راح تدق عليهـ ريم؟؟؟
ووش راح يصير تابعوني ...

اشكرك ابهاوي على مرورك العطر
دمت بحفظ الله ورعايته

ماقصرت الله يسلمك

عبدالله بن عبدان

اشكرك على مرورك العطر

دمت بحفظ الله ورعايته ولا تحرمنا من جديدك