تقرير واحد محشش عن أشهر الكلمات بالسعودية‎

جبت لكم أشهر الكلمات السعودية المضحكة اللي نسمعها بس بعضنا ما يعرف معنااها ََََ...!؟
اهم شي ركزوووووووا عـ المرجوووج ؟؟؟




الدلخ : وهذا إنسان غبي جداااا.ويرفع الضغط ....وينرفز ....واكثر من يعااني منه المدرسين ....واهله.


...المنسم : ذلك راجع إلى تهريب الهواء من رأسه و السبب في ذلك هو أن في رأسه فتق
لذلك تلقاه دايم يغطس رأسه في سطل مويه عشان يعرف من وين التنسيم .


المهوي : هو مرحلة متأخرة من التنسيم و المهوي وصل لمرحلة متأخرة جدا بحيث يفقد
أهله الرجاء منه ...



السلنتح : قليل الأدب


جحلّط ( بتشديد اللام ) : وهم مرحلة متقدمة للسلنتح


مزّلب ( زلااابه ) : يعني بايعها ب(طووط) خلونا مؤدبين ونقول تراب ! ههههههههههههه


مسفّح : يعني طاير بالعجّة وهو ما عنده ما عندي جدتي , يعني بالعربي الفصيح من جنب العارضه


الصتيمه : وهو الشخص اللي ماعنده ماعند جدة جدتي ...!!...ويصدق أي شيء يقال له


المسبه أو المسبوه : هو الشخص اللي يكون مروع في صغره لدرجة أنه اصبح شبه فاقد للعقل ...


المفهي : هذا اللي الله يخلف مهما تقول له أو تصارخ عليه تلقاه فاتح فمه و بس
و إذا كلف على عمره و تفاعل معك رد عليك و قالك : هاه ...


الحقنه : هو الشخص الغثيث اللي ما يفكك لين تعطيه اللي يبيه منك و مهما تسوي له عشان تصرفه
عن الموضوع حقه ينشب في حلقك لين يأخذ منك اللي يبيه , وهذا يفسر قول العرب : أغث من حقنه !!....


العله : هذا اللي ما تأخذ أنت منه أي شيء و لا عنده استعداد انه يسمع منك مهما حاولت
وهو كالمرض يعلك لين تنفقع مرارتك منه......


العربجي : يظن معظم الناس أن العربجي هو الشخص الشديد حق المشاكل و اللي ما يمشي
إلا وهو مشخص ببنت البكار ( أسم لطريقة لبس الشماغ عند العرابجه )
و حاط مفاتيحه في سلسلة و لابس نعال زبااااريه و يسحبها تسحيب لين جاء يمشي و دايم فاتح صدره و رازه
على فوق و كانك ولد أبوك تكلم معه


الكحلي : يطلق مسمى الكحلي على ذوي البشرة السمراء ..........................................
(لبى خالي) ^_^



المرجوج : هذا ما عمره صلح شيء صح في حياته ما يمديك تفتح فمك إلا و طار في العجه بدون
ما يفهم وش السالفة. و الارتجاج الحاصل له يختلف تماما عن مشكلة المسبه أو المسبوه حيث
يكون الارتجاج هنا نتيجة صدمة و ليست نتيجة روعة .


المطفوق : من فصيلة المرجوج ... إلا أن مايميزه هو انه إذا مر من عند كاس أو جيك أو ابريق
أو أي شيء فيه سائل لازم يكبه ( أي يسكبه ) برجله وهو مايدري ،،
ولا تخليه يمر بجنبك وانت معك صينية فيها بيالات لأنه لازم يطخها بيده أو بكتفه ..!!
أيضا لاتخليه يصب قهوة لضيوف لأنه لازم يكب القهوة على ثوب واحد منهم..!!!!!.....



الداشر : هذا قليل الأدب . و إذا قيل فلان دشر فلان أي
خرب أخلاقه لكن في الأردن الشقيق كلمه دشره تعني أتركه..


الملكع : أما هذا فيعرف حتى السكن (اي الجن) و مقطّططع السمكه و ذيلها و مهما تحاول
تلف و تدور معه تراه فاهم و عارف وش تبي بالضبط فلا تتعب نفسك .


زعّيط : مسوي نفسه يفهم في كل شيء وهو من جنبها.


المصرقع : هو كل شخص ما يهمه شيء و اللي يطري على باله بيسويه لأنه ماخذ الدعوة
سعة صدر و هبال ...


المفلت : هو كل شخص ما تقدر أنك تآمنه على شيء لأنه مهوب تكانه و يتميز بكل أنواع
الإهمال و التطنيش....



الخكري : ببساطة الخكري = نعومة + دلع + ليونه + "فستان>> والله لايبلانا..

--