قصيدة للشاعر صالح بن عزيز

يا حثاله مجتمعنا يكفي التقليد والتزوير
يا خفافيش الخفاء وخزاتكم خفيه بدون مواجه
يا بقايا بينهم ما نعرف الانثى من الذكر
حقت اللعنه عليكم يا رجال تشبهوا بالنسوه
مثل ما حقت على بعض النسا يتشبهوا برجال
استغليتوا وجود التقنيه جوال وانترا
تقذفون الغافلين بحقدكم يا الشرذمه الاوغادي
ما هدفكم غير تزوير المقاطع وانتشارها
عاطلين وباطلين وتنفثون احقادكم في ظلمى
لكن الله ينتقم منكم ويفضحكم على مكشوف
تحسبون اذا نشرتوا صوت رجال يكلم حرمه
انكم جيتوا براس غليص ولا راس بن عجلان
الهروج اللي نسبتوها لرجال برئ منها
كل ابوها فبركه في فبركه تخسون وتعقبون
حتى لو كانت صحيحه فالحمل يطمي وهو فوق اربع
والفتنه ما سلم منها لا مشاهير ولا انبياء
لكن انتوا ويش حققتوا يامال السيف ابو حدين
يا حقاره يا قذاره يا صغاره فعلكم واشينه
الفراغ اظهر مواهبكم ولكن جات بالمقلوب
العالم يبحث بحوث العلم وصلوا الاختراع الذره
وانتوا يالله مقطع بلوتوث تلفيق ودبلجه
هاذي افعالِ دنيئه والدنى مفتون بالدنا
صنعه الصانع صنعها والصنايع ما تجيب الداني

والدني يخلق وهو داني ويتوفى وهو دني
اخيب الخيبات خيبه خايب متخفي في ظلمى
يختلي خلوه مع خله وخله خاله الشيطاني

ثم وسوس له ابليس بساوس الوسواس والخناسي
حتى جو من سكه ما جاء بها جده ولابوه
يا غبوني غبن مغبون غبنها الغابن اغبن غبنا
الصقور الشقر فقس بيضها قمري ودكدكه
والاسد والنمر وذياب الخلي غاباتها مهجورة