هلا بالصمت دام الصمت مايجرح مشاعرنا ...!!.................................................

تعالي نسكت احسن من كلام تاليته جرووح
هلا بالصمت دام الصمت ما يجرح مشاعرنا
وأنا وإنتِ وطول الصمت والدمعه وكثر البوح
وليل ما بقى به حيل ينهانا ويامرنا
بكى ما كنه اللي كان يغرينا فرح وامزوح
سكت ما كنه اللي كان ملهمنا وشاعرنا




توحي تسمعين الليل مدري وش بلاه ينوح
على ضحكاتنا ولا على كسرة خواطرنا
إذا يبكي من الفرحة علينا علميه يروح
واذا يبكي حزن تكفين قوليله يسامرنا
ويجبر خاطر قامت هواجيسه تجي وتروح
يشوف الحال ويكف السؤال الي محيرنا


صحيح إنا صبرنا واعتبرنا صبرنا مصلوح

ولكن ما بقى شي عقب هذا يصبرنا
دخيل العاشق اللي له ورى ليل الجديله ضوح
وفي وجـاه الشفاه اللي بنسمتها تعطرنا
وفي وجه العيون الي بقا للدمع فيها روح
لجل خاطر ليالينا ماضينا وحاضرنا

وليل ما بقى به حيل ينهانا ويامرنا
بكى ما كنه اللي كان يغرينا فرح وامزوح


الله يعطيك العافية ( المصير المجهول )

شكرا لك ابو جوري على الرد الرائع والمرور الجميل


تسلم اخرالعنقود على الرد المميز

ابداع يالمجهووول