غزل ( سعد هيال

تـوي أنـا و القلـب كنـا بطاريـك
أهلا هلا بك عد مـا سـارت خطـاك
و تبغى الصراحة من متى كنت ناسيك
اصلا أنـا و القلـب دايـم بطريـاك
يسعـد صبـاح قـام يذكـر لياليـك
ويسعـد ليـال هيضتنـي لـذكـراك
اشوفـك بعينـي و كـل يسـاويـك
و اشوفك بقلبـي ولا فيـه شـرواك
تشتاق لك كـل القصائـد و ترويـك
ويشتاق لك قلـب عيونـه مرايـاك
ولو تبتعد عنـي و تبعـد أراضيـك
يظل فـي قلبـي مقـرك و مربـاك
أسكنتـك بقلـب يعـزك و يغلـيـك
وحضنتـك بعيـن تحبـك و تهـواك
ولو كان تجفانـي فلانـي بجافيـك
و لو كان تنساني فلا يمكـن انسـاك
هذي مشاعر خلـك ان كـان تعنيـك
و ان غيرها يالله عسى العالم افـداك

اخر العنقود

سلمت يداك على هذا الطرح الرائع

قصيدة جميله بارك الله فيك

دمت بحفظ الله ورعايته

ابو جوري

شكراً على المرور

شاعر كبير ابو عبدالرحمن
يعطيك العافيه على القصيده

يسعـد صبـاح قـام يذكـر لياليـك
ويسعـد ليـال هيضتنـي لـذكـراك

شاعر ابو عبدالرحمن غني عن التعريف