قصيدة مهداة للشيخ محمد بن مقعد بن هين

هذه القصيدة مهداة إلى جدي الشيخ : محمد بن مقعد بن هين

------------------------

يا راكب اللي لا مشى بان ممشاه ----- صالون لكزس من جديد المديلات

من ديرة الصيعر توجه ومنصاه ----- يبغى ديار أهل الكرم والمروات

وليا وصل بيشة على طول ملفاه ----- شيخ على شوفه نسوق البشارات

تلقاه وسط قنيع منصى لمن جاه ----- ويفرح بشوف الضيف في كل حزات

سلم عليه عداد غيم نثر ماه ----- وعداد من صلى جميع الصلوات

بن هين اللي تفعل الطيب يمناه ----- وعنده على كسب المراجل شهادات

ويالله عسى سهوم المنايا تعداه ----- ويالله عسى ايامه سنين طويلات

شيخ ومن روس الشيوخ المسماه ----- اللي لهم وقفات عز وبطولات

والعلم يدري به ولا هوب يخفاه ----- والعلم واضح من سنين قديمات

ان آل هين هم هل الوجه والجاه ----- واهل الخيول المسرجات الاصيلات

واهل السيوف اللي دوام محناه ----- واهل الفعول الكايدات الصعيبات

يشهد لنا تاريخنا اللي فعلناه ----- ويشهد لنا بالشوك في ماضي فات

يوم العرب كل بسيفه وشلفاه ----- معروف شيال الحمول الثقيلات

امثال فارسنا المسمى وشرواه ----- سيف الذي سطر له الوقت بصمات

ونشهد انه يرفع الراس طرياه ----- وليته بقى يا جد حي ولا مات

واليوم في حكم الملك لا عدمناه ----- كلن يفاخر ويتفاخر بالاصوات



الشاعر : محمد بن سلطان بن هين