قصيدة الواتس اب

يقول الشاعر
من يوم جانا الواتس صرنا مدانيق
معاد تسمع بالمجالس حكايا
كلن بجواله يشوف التعاليق
والوضع صامت والنوايا نوايا
دنت رسايلنا جموع وتفاريق
والسد باح وبان سر الخفايا
وأكثر ضحاياه العيال المطاليق
اللي من أول يتعبون المطايا
صارت رسايلهم تلج الصناديق
ودجت علومٍ ماوراها حلايا
هذا هو الواقع بحال المخاليق
حالٍ رديه من جميع النحايا
حنا بتال الوقت مافيه تبريق
يارب سترك قبل يوم المنايا

والله انه صادق