سلطان بن محمد ال وســــام الهاجـري

(صدفه غريبه)
صدفة غريبة و الحقيقة ما على الدنيا غريب
يا زينها صدفة بلا سابق وعد يا زينها
الله صرفها لي مثل صرف العلاج من الطبيب
أثر الجروح تطيب لا من عولجت في حينها
لا طاب جرحي منه .. من غيره لعله ما يطيب
يطعن و طعناتها على شان الغلا راضينها
أحلى شوي من العسل و ألذ من طعم الحليب
و أحر من همسة شفايفها و غمزة عينها
و مجدلٍ يوم انتثر كله ما غير يفوح طيب
يطيح لو ما ترتبه بيسارها و يمينها
لا ينزعج ترى الجمل ما طاح لو أنه صويب
لا يا بعد ناسٍ تحد لطيحته سكينها
و لا يفرح الحاسد تراها طعنةٍ من يد حبيب
و شلون أبونسها و هو بين الفواد و بينها