قصيده مهداه الى الشاعر الكبير /مذكر بن عومان السريعي

يالله يلي تعلم بكل خافي ..... ياربنا يامنشي جيل ورأ جيل
وسلام تسليم من القلب صافي ..... عدى السحاب اللي مزونه هماليل
وعداد من صلى بمكه وطافي ..... وعداد مايبدي لنا الجدي وسهيل
منصاه بن عومان شيخ سنافي ..... اللي ضيوفه صوب بيته مقابيل
في عسر ولا يسر دائم يظافي ..... وانا اشهد انه من خيار الرجاجيل
لرضاه هاض الفكروسخرت قافي....وقمت اتنقى من خيار التماثيل
لأنه حكيم ويعطي الحق وافي .....ولا يعرف الكذب ولا الدهاويل
ويابو علي الوقت فيه اختلافي .....والوقت هذا صار كله تهاويل
في مامضى يوم السنين العجافي .... معروف زيزوم الرجال المشاكيل
يوم الملاقى بالسيوف الرهافي ..... ويوم القنا والرمح ومسابق الخيل
ما كل رجال بوجهه يشافي ..... يكون من هو يرجح الوزن والكيل
واليوم في الاسلام والستر ظافي..... ولى زمان اهل الفتن والغرابيل
وتبقى الثقال ثقال ماهي خفافي .....والحمل يبغى له رجال حلاحيل
واحلى كلام يقال بختم القوافي ....صلى الله وسلم على عادل الميل

الشاعر/محمد سلطان محمد ال هين