قصيدة عبدالرحمن بن حمصان

هذه قصيدة عبدالرحمن بن حسن بن حمصان
صدفه على خاطري والعالم أرقود
تبني مع الأيام والحزن همن عليه
همن على همن والحبل معقود
والله يذل اللي يحب الخطيه
ابيوت شعري صايغات لكل فود
تنصى الرجال وقفاتها في كل هيه
تكفون ياعصابة راسي المعهود
الديره في خطر نهب صبح وعشيه
صبيان الشهاريه نارن تشعلها وقود
نارد على حياض الموت والنارحيه
فزعاتنا تعرف وتثبت والعالم اشهود
والشيخ بن فواز يوجهنا ويقود السريه
شيخ ولد شيخ ياشيخ الاشياخ الاسود
وقفاتكم تعرف من عصور الجاهليه
أولاد مخضار ياعميت اعيون الحسود
هم الشيوخ اهل الكرم والبن والشاذليه
وأولاد فرحان بدِّن من كبار البدود
مايقطع الوجه والدم واسيوفهم فيصليه
وآل عويد مجملة كل من حد مظهود
زمانهم يعرف وابيوت الشرف مبنيه
وآل خزام اللي يحمون ويردون الحدود
افعالهم مثل حرب الخليج والدوله الكويتيه
وآل شداد صمالة الراي وللوافي تزود
شداد يكفي وهي علومه طايلاتن سويه
وأولاد حامد تنزع الحرب والنصر بحشود
احشود ربعن للعدو وللجماعه وفيه
وآل خليفه مزبن الجاني وكل مطرود
مطرود حرب ولاسلم اعزومهم قويه
هذي مبادي الشعر اصيغه ولبيوته اجود
من قول بن حمصان لربعي الشقرديه
وصلو على محمد اعداد ماهبت النود
ويجعلنا نشرب من حواضي نبيه

صح لسانه

ليس بالغريب عليه الشعر رحم الله والده

الله يعطيك العافية يابو علي