محااورة بين سعد بن عزيز وبن خفير وبين هضبان

هذه المحاورة جرت بين الشعراء سعد بن عزيز وبن خفير وبن هضبان عام 1415هـ
حيث بدا بن خفير وكان يريد تكوين ثنائي مع بن هضبان حسب طلب صحب الحفل لكن سعد رفض ان يشاركه اي من الشعراء الاخرين فاستمرت المحاورة كل شاعر يبدع ويرد بنفسه
البدع من بن خفير كما اسلفت :
ماكان عايض للطلب مستعد
ولا وصلني علم الا عصير
قبل المسير بربع ساعة وحول
واعطي علومي ما ارتجي علم ناس
ولا قلوب الا من الماس حيه
وارتاح منها ما تشيغلها
الرد كان من بن هضبان على هذه القصيدة فقط :
ياللي تعد المال والمس تعد
سعر العسل ماهو بمثل العصير
والفرق شاسع بين يوم وحول
ماهو ببن هضبان من العلم ناس
خارف وترج سيولها ما سحيه
ورياض بيشة مات شيغلها
ثم بدا سعد :
البدع: في البدو من خيم ونازل وشد
يصبر على حكم القدر والصبير
لكن في علم جرى وش نقول
العافيه تاجي وعزا لباس
جاتك هجوس الصدر متنا تعيه
للمعرفة قاض وشيخ لها
الرد:
لاعاد به مسرى ولزم وشد
احسب اصوات العرب وسط بير
ينقل بساقة في الحفي وش نقول
ولبسي يشرفني واعز اللباس
لاتحسب انا اليوم متنا تعية
خذ شي من الدنيا وشي خله
بن خفير :
ادرى المواقف والقريب بعد
والله للصادق عوين نصير
ولا جبال الحز تشبه غليل
يبدوا لي ان العلم فيه التباس
لو قمت خليت الكثيرة شويه
والعين ذا تنظر لي اخلها
الرد:
هذي مواري الليل وش ما بعد
ولا غدى العصفور مثل النصير
وياما قلوب حل فيها الغليل
والصدق للرجال خير التباس
واللي غدى في نار غيره شويه
لا هو بلل العليا ولا اخ لها
بن هضبان بدع :
متى وصلت البادية ياسعد
لا اصدقك ما صدقك بن خفير
واذا جهلت الحق فانت معقول
جيتك بميزان الذهب والنحاس
خل العواجه دايم سمحية
والبدو لاترمي معاشك لها
الرد:
تباشروا ياهل السعد بالسعد
ناهب على باب الخفارة خفير
واشهد اهل المعرفة والعقول
في حضرتك بنحوس والا نحاس
متى يموت الداب من سم حية
سعادة النيه مع شكلها
سعد بدع:
العقل محكوم ولو ما نشد
وش واقف بين العرب وش يسير
وما اعدل عن ادروب النشاما عدول
للبر مقياس وللماء يقاس
كيفي من الرسلان والشاذلية
وانزل ديار الفوت واحتلها
الرد:
ياكيف تنشد واحد ما نشد
ولا درى بين العرب وش يسير
العلم يبغى له قضاة عدول
ما ارمي بعلم ضايع ما يقاس
الزند والبنزين والشاذ ليه
يذبح طيور البر واحتلها
بن خفير بدع:
ما كل غمر في الموقف نشد
ولا يطول بعلم غيره قصير
واللي من اعلى العذق غير الهلل
ولا يصح البيت من غير ساس
ولا ادرك الراوي علوم الروية
لو كان بلعاني تحبك لها
الرد:
اذاتكلم غيرنا ما نشد
وانا دروع اقرابنا والقصير
لو كان في الدنيا يهل الهلل
ظرس من الشاهي( وم) الماي ساس
قلب ظمي غير القلوب الرويه
والا الخطية لا تحب اكلها
بن هضبان بدع:
السبت مر بكم وبكرة الاحد
انشد عتيبة كلهم عن مطير
وباشهد ابني رزق وبني سلول
ثمان بوحامد بترجع خماس
وبنسجنه باوامر الداخلية
الباب عينه ما ترى قفلها
الرد:
ما اشل في قلبي كياد لاحد
والا فانا طير وانا عم طير
اسل سيف المنع وابني سلول
وراك ما مديت لي بالخماس
لاتحسب الخارجة داخليه
قلبك من قلوب تراقف لها
سعد بدع:
القصر ما نبغى يجيه الهدد
لو عاش طير في الخلا مات طير
قايد شرورة جعل ماله وصول
شيبي رفيقي مشيتي في هماس
لا تمتنون الصيد والصيد ليه
واحكامي ادور على جلها
رد:
النمر ما يقبل هدير الهدد
تبغى تطير ومقصدي ما تطير
اسمع كلام نصرفه( ع) الاصول
لا تقرب الكهرب ترى فيه ماس
ليش المداوي سكر الصيدلية
والناس ما يصرف علاج لها
بن خفير بدع:
عندي على علمي وقولي سند
اني بعيد من الكلام الخطير
واني من اصحاب الكلام الجزيل
ا لا ان يمس نظام عايض مساس
الدين ينفع في البلا والبليه
لو تعبد العالم اله لها
رد :
لو تنزل العالم رقينا سند
وانا مع اللي راح مكة خطير
وانا لربي شكرنا والجزيل
ياللي تبي للحبل شد ومساس
روح تعمد الشر ماهي بليه
تصبر لسيف الله اذا هلها

سعد بدع:
العقل محكوم ولو ما نشد
وش واقف بين العرب وش يسير
وما اعدل عن ادروب النشاما عدول
للبر مقياس وللماء يقاس
كيفي من الرسلان والشاذلية
وانزل ديار الفوت واحتلها



يعطيك العافيه

على مواضيعك